ياطميش ما ودّك نحرر فلسطيـن
و نثير في قلب اليهـود الجزاعـه ؟
نسطي عليهم مع قـروم ٍ شياهيـن
و ندبهم دبة سنـه بنـص ساعـه
و نجـز روس ملفقيـن العناويـن
الارض صارت في يديهم بضاعـه
و نوجه الحمله على سـور برليـن
و نطبق انواع القتـل و البشاعـه
و نحتل روما و انتعدى المحيطيـن
و نعيّش الغرب بعذاب و مجاعـه
و ان كان فينا نفس حيه و نشيطين
و فينا على ما قيل بعض الشجاعة
ناخذ لنا صوله على الهند و الصين
و نهدم لهم سور ٍ كبيـر ارتفاعـه
و احكم انا و اقوم احـط القوانيـن
ما غير تسمع قول سمع ٍ و طاعـة
اعـدم ملاييـن و اعتـق ملاييـن
و انوّخ الكوكـب بفـن و براعـه
الفيلم خلص و انتهـن المضاميـن
نار ٍ طفت يا فلان قبـل اندلاعـه
حنا عرب مافيه شـك ٍ مساكيـن
نصنع شموخ ٍ بالسوالف صناعـه
فينا الولد لا قال يحكـم سلاطيـن
لسانه اطول لا حكى مـن ذراعـه
تبي الصراحة ..عاد..مامن فلسطين
خلني اقيّل يـا ولـد نـص ساعـه
هههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههه
علي الحلال
احلى شعر
الرئيسية 
دخول 
الأحداث 
https://haky.ahlamontada.com 
س .و .ج 
بحـث 
الأعضاء 
التسجيل 
الابراج
